قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى  №309

  2016 جىلعى 8 شىلدە  استانا قالاسى نەتتو-تۇتىنۋشىلاردان ەلەكتر ەنەرگياسىن ساتىپ الۋ-ساتۋ قاعيدالارىن بەكىتۋ تۋرالى «جاڭارتىلاتىن ەنەرگيا كوزدەرىن پايدالانۋدى قولداۋ تۋرالى» قازاقستان رەسپۋبليكاسىنىڭ 2009 جىلعى 4 ءشىل­دەدەگى زاڭى 9-بابىنىڭ 9-تارماعىنا سايكەس بۇيىرامىن: 1. قوسا بەرىلىپ وتىرعان نەتتو-تۇتىنۋشىلاردان ەلەكتر ەنەرگياسىن ساتىپ الۋ-ساتۋ قاعيدالارى بەكىتىلسىن. 2. قازاقستان رەسپۋبليكاسى ەنەرگەتيكا مينيسترلىگىنىڭ جاڭارتىلاتىن ەنەرگيا كوزدەرى دەپارتامەنتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى; 3) وسى بۇيرىقتى قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى بەرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ەنەرگەتيكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ەنەرگەتيكا ءمينيسترى ق. بوزىمباەۆ قازاقستان رەسپۋبليكاسى ەنەرگەتيكا ءمينيسترىنىڭ 2016 جىلعى 8 شىلدەدەگى №309 بۇيرىعىمەن بەكىتىلگەن نەتتو-تۇتىنۋشىلاردان ەلەكتر ەنەرگياسىن ساتىپ الۋ-ساتۋ قاعيدالارى 1-تاراۋ. جالپى ەرەجەلەر 1. وسى نەتتو-تۇتىنۋشىلاردان ەلەكتر ەنەرگياسىن ساتىپ الۋ-ساتۋ قاعيدالارى (بۇدان ءارى – قاعيدالار) «جاڭارتىلاتىن ەنەرگيا كوزدەرىن پايدالانۋدى قولداۋ تۋرالى» قازاقستان رەسپۋبليكاسىنىڭ 2009 جىلعى 4 شىلدەدەگى زاڭىنا سايكەس ازىرلەندى جانە ەلەكتر ەنەرگياسىن نەتتو-تۇتىنۋشىلاردان ساتىپ الۋ-ساتۋ ءتارتىبىن ايقىندايدى. 2. وسى قاعيدالاردا مىناداي نەگىزگى ۇعىمدار پايدالانىلادى: 1) ەلەكتر ەنەرگياسىن نەتتو-تۇتىنۋشى (بۇدان ءارى – نەتتو-تۇتىنۋشى) – جاڭارتىلاتىن ەنەرگيا كوزدەرىنىڭ ارالاس قوندىرعىلارىن قوسا العاندا, تاراتۋشى ەلەكتر جەلىسىنە قوسىلعان جانە جەلىدەن ەلەكتر ەنەرگياسىن تۇتىنۋ كولەمدەرى مەن وعان جالپى بەلگىلەنگەن قۋاتى ءبىر ءجۇز كيلوۆاتتقا دەيىن بەرۋ كولەمدەرىن بولەك ەسەپكە الۋ جۇيەلەرىمەن جابدىقتالعان, وزىنە مەنشىك قۇقىعىمەن نەمەسە وزگە دە زاتتاي قۇقىقپەن تيەسىلى جاڭارتىلاتىن ەنەرگيا كوزدەرىن پايدالانۋ وبەكتىسىنەن ەلەكتر ەنەرگياسىن ءوزىنىڭ تولىق نەمەسە ءىشىنارا تۇتىنۋىن قامتاماسىز ەتەتىن جەكە نەمەسە زاڭدى تۇلعا; 2) ۋاكىلەتتى ورگان - جەك پايدالانۋدى قولداۋ سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن ورتالىق اتقارۋشى ورگان; 3) جەك پايدالانۋ وبەكتiسi – جەك پايدالانا وتىرىپ, ەلەكتر جانە (نەمەسە) جىلۋ ەنەرگياسىن وندىرۋگە ارنالعان تەحنيكالىق قۇرىلعىلار جانە جەك پايدالانۋ وبەكتىسىن يگەرۋ ءۇشىن تەحنولوگيالىق تۇرعىدان قاجەتتى جانە جەك پايدالانۋ وبەكتىسى مەنشىك يەسىنىڭ بالانسىنداعى, ولارمەن ءوزارا بايلانىستى قۇرىلىستار مەن ينفراقۇرىلىم. 3. وسى قاعيدالاردا پايدالانىلاتىن وزگە ۇعىمدار قازاقستان رەسپۋبليكاسىنىڭ زاڭناماسىنا سايكەس قولدانىلادى. 2-تاراۋ. نەتتو-تۇتىنۋشىلاردان ەلەكتر ەنەرگياسىن ساتىپ الۋ-ساتۋ ءتارتىبى 4. جەك پايدالانۋ وبەكتىلەرىن ەلەكتر جەلىلەرىنە قوسۋ جانە ارتىق ەلەكتر ەنەرگياسىن ساتۋ ءۇشىن نەتتو-تۇتىنۋشى كۇنتىزبەلىك ەسەپتى جىل باستالعانعا دەيىن 45 (قىرىق بەس) كۇننەن كەشىكتىرىلمەيتىن مەرزىمدە وسى قاعيدالاردىڭ قوسىمشاسىنا ساي نىسان بويىنشا حابارلامانى ەلەكتر جەلىلەرىنە قوسىلاتىن ەنەرگيامەن جابدىقتاۋشى جانە ەنەرگيا بەرۋشى ۇيىمدارعا ۇسىنادى. 5. نەتتو-تۇتىنۋشى حابارلاماعا مىناداي قۇجاتتار مەن اقپاراتتى: 1) جەك پايدالانۋ وبەكتىسىنە جانە (نەمەسە) ونىڭ قۇرامىنداعى بولىمدەرگە بەرىلگەن سەرتيفيكاتتاردىڭ نوتاريالدىق كۋالاندىرىلعان كوشىرمەلەرىن, سونداي-اق جەك پايدالانۋ وبەكتىسىنىڭ نەگىزگى گەنەراتسيالاۋ جابدىعىنىڭ سيپاتتامالارىن; 2) جەك پايدالانۋ وبەكتىسىن ەلەكتر جەلىلەرىنە قوسۋ سحەماسىنىڭ كوشىرمەسىن; 3) ەلەكتر ەنەرگياسىن ءوندىرۋ جونىندە ايلارعا ءبولىپ جاسالعان بولجامدى جىلدىق كولەمدەرىن قوسا تىركەيدى. 6. ەلەكتر ەنەرگياسىن ساتىپ الۋ-ساتۋ شارتىن جاساۋ ءۇشىن نەتتو-تۇتىنۋشى ەنەرگيامەن جابدىقتاۋشى ۇيىمعا: جەكە كۋالىگىنىڭ كوشىرمەسىن (جەكە تۇلعالار ءۇشىن); قۇرىلتاي قۇجاتتارىن (زاڭدى تۇلعالار ءۇشىن); ەنەرگيا بەرۋشى ۇيىمداعى مەترولوگيالىق قىزمەتتىڭ ەسەپكە الۋ اسپابىنىڭ تاريفتىك كەستەسى كورسەتىلگەن ەلەكتر ەنەرگياسىن قابىلداۋ مەن ونىڭ قايتارىمىنا ارنالعان قوس باعىتتاعى ەسەپكە الۋ اسپابىن باعدارلامالاۋعا بەرگەن ەركىن نىسانداعى انىقتاماسىنىڭ كوشىرمەسىن; بانكتىك دەرەكتەمەلەردى ۇسىنادى. 7. جەك پايدالانۋ وبەكتىسىن (وبەكتىلەردى) ەنەرگيا بەرۋشى ۇيىمنىڭ ەلەكتر جەلىلەرىنە قوسۋ ءۇشىن ەنەرگيامەن جابدىقتاۋشى ۇيىم قازاقستان رەسپۋبليكاسىنىڭ ازاماتتىق زاڭناماسىنا سايكەس نەتتو-تۇتىنۋشىمەن ەلەكتر ەنەرگياسىن ساتىپ الۋ-ساتۋ شارتىن جاساسادى. 8. نەتتو-تۇتىنۋشى ەنەرگيا بەرۋشى ۇيىمنىڭ ەلەكتر جەلىسىنە ونىڭ ءوز جاعىنان شەكارالىق بولىككە دەيىن ورنالاسقان نۇكتەسىنە جەك پايدالانۋ وبەكتىسىن ەلەكتر جەلىلەرىنە قوسۋعا ارنالعان تەحنيكالىق شارتتاردى العاننان كەيىن قوسىلادى. 3-تاراۋ. ءوزارا ەسەپ ايىرىسۋلار ءتارتىبى 9. نەتتو-تۇتىنۋشىلار قازاقستان رەسپۋبليكاسىنىڭ ەلەكتر ەنەرگەتيكاسى تۋرالى زاڭناماسىمەن بەلگىلەنگەن ەلەكتر ەنەرگياسىن كوممەرتسيالىق ەسەپكە الۋ اسپاپتارىن ورناتۋ تالاپتارىن ساقتايدى. نەتتو-تۇتىنۋشىنىڭ قولدانىستاعى ەلەكتر ەنەرگياسىن كوممەرتسيالىق ەسەپكە الۋ اسپابىن جەلىدەن ەلەكتر ەنەرگياسىن تۇتىنۋ كولەمدەرى مەن وعان بەرۋ كولەمدەرىن بولەك ەسەپكە الۋ اسپابىنا اۋىستىرۋ قاجەتتىلىگى جاعدايىندا ەنەرگيا بەرۋشى جانە (نەمەسە) ەنەرگيامەن جابدىقتاۋشى ۇيىم ەنەرگيا بەرۋشى ۇيىمنىڭ ترانسفورماتورلىق قوسالقى ستانتسيالارىندا ورناتىلعان نەتتو-تۇتىنۋشىنىڭ كوممەرتسيالىق ەسەپكە الۋ اسپابىن اۋىستىرۋدى قوسا العاندا, نەتتو-تۇتىنۋشىعا وسىنداي اۋىستىرۋدان باس تارتپايدى. كوممەرتسيالىق ەسەپكە الۋ اسپاپتارىن ساتىپ الۋ, ورناتۋ, اۋىستىرۋ جانە ونى ودان ءارى پايدالانۋ جونىندەگى بارلىق شىعىنداردى نەتتو-تۇتىنۋشى كوتەرەدى. 10. نەتتو-تۇتىنۋشى وزiنە قىزمەت كورسەتەتiن ەنەرگيامەن جابدىقتاۋشى ۇيىمعا ونىڭ قولدانىستاعى تاريفi بويىنشا, ەلەكتر جەلiسiنەن ەسەپتi كەزەڭ iشiندە ءوزi تۇتىنعان ەلەكتر ەنەرگياسىنىڭ كولەمiنە, ناق سول كەزەڭ iشiندە ەلەكتر جەلiسiنە ءوزى بەرگەن كولەمدi شەگەرە وتىرىپ, اقى تولەيدi. ەلەكتر جەلiسiنە ەسەپتi كەزەڭ iشiندە نەتتو-تۇتىنۋشى بەرگەن ەلەكتر ەنەرگياسىنىڭ كولەمi جەلiدەن ناق سول كەزەڭ iشiندە ءوزi تۇتىنعان ەلەكتر ەنەرگياسىنىڭ كولەمiنەن اسىپ كەتكەن جاعدايدا, قىزمەت كورسەتەتiن ەنەرگيامەن جابدىقتاۋشى ۇيىم نەتتو-تۇتىنۋشى بەرگەن ەلەكتر ەنەرگياسى ءۇشىن ساتۋعا ارنالعان ءوزىنىڭ قولدانىستاعى تاريفi بويىنشا نەتتو-تۇتىنۋشىعا جوعارىدا اتالعان اسىپ كەتۋ كولەمىندە اقى تولەيدi. 11. نەتتو-تۇتىنۋشىنىڭ جەلىگە بەرگەن ەلەكتر ەنەرگياسىنىڭ كولەمى جەلىدەن ناق سول كەزەڭ ىشىندە ءوزى تۇتىنعان ەلەكتر ەنەرگياسىنىڭ كولەمىنەن اسىپ كەتكەن جاعدايدا, ەنەرگيامەن جابدىقتاۋشى ۇيىم ەلەكتر ەنەرگياسىن كوممەرتسيالىق ەسەپكە الۋ اسپابىنىڭ (اسپاپتارىنىڭ) دەرەكتەرىنە ساي نەتتو-تۇتىنۋشىدان شوت فاكتۋرالاردى (جەكە تۇلعالار ءۇشىن – شىعىس جۇكتەمە قۇجاتىن) جانە نەتتو-تۇتىنۋشى مەن ەنەرگيامەن جابدىقتاۋشى ۇيىم اراسىندا قول قويىلعان كوممەرتسيالىق ەسەپكە الۋ اسپاپتارىنىڭ كورسەتكىشتەرىن سالىستىرۋ اكتىسىن العان كۇننەن باستاپ 30 كۇنتىزبەلىك كۇن ىشىندە اقى تولەيدى. 12. اقى تولەۋ قولما-قول اقشاسىز ەسەپ ايىرىسۋ ارقىلى جۇرگىزىلەدى. نەتتو-تۇتىنۋشىلاردان ەلەكتر ەنەرگياسىن ساتىپ الۋ-ساتۋ قاعيدالارىنا قوسىمشا نىسان جاڭارتىلاتىن ەنەرگيا كوزدەرىن پايدالانۋ وبەكتىلەرىن ەلەكتر جەلىلەرىنە قوسۋعا جانە ەلەكتر ەنەرگياسىنىڭ ارتىعىن ساتۋعا ارنالعان حابارلاما 20__ جىلعى «____» ________ № ___ ________________________________________________________________________________________ (نەتتو-تۇتىنۋشىنىڭ تولىق اتاۋى, زاڭدى مەكەنجايى نەمەسە تۇرعىلىقتى مەكەنجايى كورسەتىلەدى) «جاڭارتىلاتىن ەنەرگيا كوزدەرىن پايدالانۋدى قولداۋ تۋرالى» قازاقستان رەسپۋبليكاسىنىڭ 2009 جىلعى 4 شىلدەدەگى زاڭىنا سايكەس, سىزگە _________________________________________________ ________________________________________________________________________________________ (ەنەرگيامەن جابدىقتاۋشى جانە ەنەرگيا بەرۋشى ۇيىمداردىڭ تولىق اتاۋى كورسەتىلەدى) جاڭارتىلاتىن ەنەرگيا كوزدەرىن پايدالانۋ وبەكتىلەرىن ەلەكتر جەلىلەرىنە قوسۋ جانە ەلەكتر ەنەرگياسىنىڭ ارتىعىن ساتۋ تۋرالى حابارلايدى. قوسا بەرىلگەن قۇجاتتاردىڭ ءتىزىمى: ____________________________________________________________ ________________________________________________________________________________________. ________________________________________________________________ _________________ (باسشى نەمەسە ۋاكىلەتتى ادام, تەگى, اتى, اكەسىنىڭ اتى (بولعان جاعدايدا), قولى, كۇنى) م.و. (ەگەر بولسا) حابارلامانى الدى ________________________________________________ (تەگى, اتى, اكەسىنىڭ اتى (بولعان جاعدايدا), قولى, كۇنى) بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 10 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №14101 بولىپ ەنگىزىلدى.